Pidato Bahasa Lampung

pict by: duajurai.co

Berikut merupakan contoh pidato bahasa lampung dengan dialek 'A

judul: Lingkungan Cadang (Kerusakan Lingkungan) 

LINGKUNGAN CADANG

Assalamu alaikum warohmatullohi wabarokatuh.

Sai terhormat ibu gukhu, seghta ghek-ghek sai ku bangga ko.

 

Peghtama, payu lah gham manjatko puji seghta syukur kehadirat Alloh SWT, uleh berkat rahmat-Ni gham dapok kuppul di ruangan hinji delom keadaan sehat. Sholawat seghta salam kekalau selalu telippah jama junjungan gham nabi Muhammad saw, uleh usaha ni ngajagh ghek nyebarko  agama islam gham dapok pandai sai sepa jalan sai benogh ghek sepa jalan sai salah.

 

Manusia sebagai penguasa lingkungan dacok buperan sai balak delom kelestarianni. Alloh nyipta ko manusia delom bentuk sai paling helau. Manusia wat pembida sai ngelebihi ciptaan sai baghehni, yakni wat akal pikighan serta kehendak ngelakukon sesuatu.

Kidang cuba ganta negham ngaliyak, manusia sai pintagh mengapi lamon sai mawat haga ngejaga ghek ngerawat lingkunganni. Padahal seno keuntungan bagini tenggalan, misalni ya dapok sehat, makmur, bahagia jama keluaghgani. Malah sebalik ni, semisal lingkungan ni kumuh, jelas gaoh lamon penyakit sai di timbulko. Mangkung muneh potensi bencana-bencana sai bagheh, tanno tiliak gham banjir dipa-ipa. Mak dapok ti pungkeghi nayah ulah manusia, gham ngakuk contohni yakdo ngetokko sampah sembarangan. Akibatni fatal, halian tesumbat, alighan way mak lancar akhirni tegenang wai sai dacok nyebabkon banjir. Betul api mawek?

 

Puaghi – puaghi sunyinni.

 

Banjir lain mak dapok dicegah, tattu dapok ki gham sebagai warga masyarakat teghok beupaya nyegahni. Contohni ngelalui program-program pemeghintah injuk lomba kebersihan pekon/tiyuh, gotong royong pembersihan alighan way seghta nayah sai baghehni. Kidang senajin helau program pemeghintah semisal mak ngedok kesadaran anjak diri gham masing-masing seno gegoh percuma. Uleh seno, payu lah gham jejama ngerawat lingkungan gham. Untung ya untung bagi gham tenggalan.

 

Sampai dija lah pidato singkat sai dapok ku sappaiko, kantu wat tutur kata sai kughang berkenan sikam ngilu mahaf seghelom hati. Teghima kasih munih peghhatian ghek waktu sai dikeniko jama sikam.

Akhir kata, Wassalamu alaikum waromatullohi wabarokatuh.