Lampung Sai Bumi Ghua Jughai
Lampung
iyulah provinsi sai paling Selatan di pulau Sumatera, Indonesia. Di sebelah
Utara bebatasan jama Bengkulu ghek Sumatera Selatan. Provinsi Lampung jamo Ibukotani Bandar Lampung ngedok wilayah sai lumaian luas serta wat
keanekaragaman budaya daerah, sai ngeliputi pakaian adat, lamban adat, senjata
tradisional, taghian daerah seghta gumah kesenianni. Mak lupa juga ghagom
bahasa sai digunakon jamo Ulun Lappung.
Daerah
Lampung dikenal penghasil kain tapis,
kain tenun besulam benang emas sai
biasani di sanik kaban sebai. Di pelaksanaan upacagha adat, goh
peghkawinan, tapis besulaman benang emas lengkap jama motif sai helau ngeghupako
kelengkapan busana adat lampung. Sai bakas Lampung makai busana bughupa
ketupung/ kepiah, kawai jas jama bagian galah tetutup, celana kejang ghek
bekain songket sai ngelingkogh di tengah. Sebilah badik/ punduk teselip di
tengah. Masyarakat Lampung temon hanggum di ghagom seni senjata, hal sinji
dibuktiko jama hamper sunyin lamban mesyaghakat seghta ragahni ngating
senjata.
Lamban
daerah adat lampung umumni Lamban panggung seghta lamban adatni Lamban Gedung/ Nuwou Sesat.
Sesat tesebut dipakai guai musyawarah antagha maghga – maghga. Jambat
Agung atawa lorong agung iyulah gelagh ijan nuju Sesat sebagai pelambang maghga
Lampung. Dunggak Jambat Agung ngedok Tudung Agung telu macom yakdo waghna
handak, kuning seghta suluh. Handak guai tingkat maghga, kuning guai tikkat
pemekonan, seghta suluh guai tikkat suku.
Senjata
tradisional lampung sai teghkenal yakdo teghapang, hulu teghapang tesani anjak
kayu jama ukeghan hulu jelma atawa bughung sebagai lambang kebanian. Senjata
tradisional baghehni yakdo payan, bladaw, punduk, badik seghta keghis.
Lampung
juga ngedok seni taghi tradisional. Wat bebagai jenis taghian sai ngeghupakon
aset budaya Lampung. Salah satu jenis
taghi sai tekenal yakdo taghi sembah. Ritual taghi Sembah biasani dilakuken
jamo masyarakat adat Lappung waktu nyambut seghta ngeni penghoghmatan jamo tamu.
Selain sebagai ghitual penyambutan tamu, taghi sembah juga ghesok dilakuken di
upacagha adat peghnikahan masyarakat lampung. Wat moneh taghi cangget, taghi
negak kayu hagha, taghi bedana seghta nayah lainni.
Kesenian
sai wat di Lampung nayah ghagomni. Wat juga seni teater, seni sastra, seni
musik seghta seni taghi.
Lampung juga jadi pok perkembangan seni sastra. Eksistensi sastra di
Lampung dapok dicawako teghkenal meski dunia kesusastraan di Lampung tebilang
lagi ngugha. Ampailah kughuk tahun 1990-an lampung mulai semarak jama penyair
penyair goh Iswadi pratama, Hatois segha lainni. Mak kughang anjak 36 penyair
sai nutuk ngeghamikkon lembagh-lembaghan Koran, jurnal, seghta majalah di
jagad nusantagha.
Pekembangan
teater di Lamppung nayah bemula keinginan ni kaban mughid seghta
mahasiswa sai tegabung delom kelompok seni guai nyelomi seni peran seghta
pertunjukan. Delom setiap tahunni even-even teater goh pertunjukan, lomba,
workshop seghta diskusi ghesok di tengahken di Lampung. Seghta jengan sai ghesok
dipakai guai seni teater iyulah contohni gedung teater tertutup Taman Budaya
Lampung, Auditorium RRI, GSG UniLa, Gedung PKM UniLa, pasagh seni enggal seghta
lainni.
Selain
seni teater ghek sastra, Lampung juga ngedok seni music. Mulai anjak seni music
tradisional sappai music-music modern. Wat muneh salah satu jenis music tuha
sai tetop betahan sappai tanno iyulah music klasik Lampung sai diighingi jama
gitar tunggal atawa moneh gambus tunggal.
Bahasa-bahasa sai digunako di Lampung ngeghupako cabang sundik yakni buasal anjak
ghumpun bahasa Melayu-Polinesia Barat. Wat moneh aksara Lampung/ Had Lampung
bejumlah 20 buah sai di pengaruhi jama aksara pallawa. Bahasa Lampung ngedok
ghua dialek. Yakni dialek A (api) sai biasani digunako jama masyarakat Lampung Barat,
Lampung Selatan, Tanggamus seghta masyarakat Cikoneng, Banten. Dialek O (nyow)
sai biasani digunako jama masyarakat kotabumi, Abung Barat, Abung timur, Gunung
Sugih, Menggala seghta lainni.
0 Komentar